“കുഞ്ഞിപ്പള്ളി
വില്പ്പന നികുതി ചെക്ക് പോസ്റ്റ്”. നമ്മുടെ
കുഞ്ഞിപ്പള്ളിയിലും ഉണ്ട് ഒരു ചെക്ക് പോസ്റ്റ്... . നിന്ന് തിരിയാന് ഇടമില്ലാത്ത , ആവശ്യത്തിന്
സ്ഥലസൌകര്യമില്ലാത്ത ഒരു ചെക്ക് പോസ്റ്റ് .... ഈ ഓഫീസ്
ഉടന് മാറ്റണമെന്ന ജീവനക്കാരുടെ നിരന്തരമായ ആവശ്യത്തിന് മുന്നില് അധികൃതര് കണ്ണു
തുറക്കുന്നില്ല. മതിയായ പരിശോധനാ സൌകര്യങ്ങള് ഒന്നും തന്നെ ഇവിടെയില്ല. ജില്ലയിലെ
മറ്റ് ചെക്ക് പോസ്റ്റുകളായ ഫറൂക്ക് ,
താമരശ്ശേരി ചെക്ക് പോസ്റ്റുകളേക്കാള് ഏറെ പ്രാധാന്യം അര്ഹിക്കുന്ന ഇവിടെ
അസൌകര്യങ്ങള് തുടര്ക്കഥയാകുന്നു. ജില്ലാ അതിര്ത്തി എന്നതിന് പുറമെ മാഹിയില്
നിന്ന് വളരെ അടുത്തായാണ് ചെക്ക് പോസ്റ്റ് സ്ഥിതി ചെയ്യുന്നത്. നികുതി വെട്ടിപ്പിന്
ഏറെ സാധ്യതയുള്ള സ്ഥലമാണ് ഇത്.
ദിവസവും ആയിരത്തോളം വാഹന ങ്ങള് ഇവിടെ പരിശോധനക്ക്
എത്തുന്നുണ്ട് . ലോറി ജീവനക്കാര് മഴയത്തും വെയിലത്തും വളരെ ബുദ്ധി മുട്ടിയാണ്
പരിശോധന ക്കായി കാത്തുനില്ക്കുന്നത്. ഈ കാഴ്ചകള് ഒന്നും തന്നെ കാണേണ്ടവര്
കാണുന്നില്ല എന്നത് ദുഃഖകരമായ ഒരു വസ്തുതയാണ്.....
6 വര്ഷം മുന്പ് ചെക്കപോസ്റ്റിന്റെ അസൌകര്യം
കണക്കിലെടുത്ത് തൊട്ടടുത്തഅണ്ടിക്കമ്പനി ഭാഗത്തേക്ക് ചെക്ക് പോസ്റ്റ്
മാറ്റുമെന്ന് പറഞ്ഞിരുന്നു. ഇതിനായി അന്നത്തെ എല്.ഡി.എഫ് സര്ക്കാര് വ്യവസായ
വകുപ്പിലും കാഷ്യൂ ഡവലപ്പ്മെന്റ് കോര്പ്പറേഷനിലും പദ്ധതി സമര്പ്പിച്ചിരുന്നു. വ്യവസായ
വകുപ്പിന് കീഴിലുള്ള സ്ഥലം വിട്ടുകിട്ടാന് നടപടികള് മുന്നോട്ട് പോയെങ്കിലും ഭരണം
കടലാസില് മാത്രമായി ഒതുങ്ങി. പന്ത്രണ്ടോളം ജീവനക്കാര് ജോലി ചെയ്യുന്ന ചെക്ക്
പോസ്റ്റ് നിലവില് കുഞ്ഞിപ്പള്ളി ടൌണിലെ ഒരു കുടുസു മുറിയിലാണ് .മഴക്കാലമായാല്
റോഡില് നിന്നൊഴുകിയെത്തുന്ന മലിനജലം ഓഫീസില് വന്ന് നിറയും. ചോര്ന്നൊലിക്കുന്ന
കെട്ടിടത്തില് ഫയലുകള് സൂക്ഷിക്കാന് പോലും സൌകര്യം ഇല്ല. പ്രാഥമിക സൌകര്യങ്ങള്ക്ക്
പോലും ജീവനക്കാര് ബുദ്ധിമുട്ടുന്നു
ഒരു
വര്ഷം മുന്പ് വ്യവസായ വകുപ്പിന് വില്പ്പന നികുതി വകുപ്പ് പഴയ
അണ്ടിക്കമ്പനിയിലേക്ക് ചെക്ക് പോസ്റ്റ് മാറ്റാന് പ്രെപ്പോസല് നല്കിയെങ്കിലും
എവിടെയുമെത്തിയില്ല. പാലക്കാട് മോഡല് കണ്ടെയ്നര് ചെക്ക് പോസ്റ്റ്
സ്ഥാപിക്കണമെന്നാണ് നിര്ദേശം. എന്നാല് അധികൃതര് കുഞ്ഞിപ്പള്ളി ചെക്ക്
പോസ്റ്റിന്റെ കാര്യത്തില് നിസ്സംഗത തുടരുകയാണ്......
No comments:
Post a Comment