മാഹിയിലും മദ്യത്തിന് നിയന്ത്രണം വരുന്നു.....

മാഹിയിലും മദ്യത്തിന് നിയന്ത്രണം വരുന്നു...

                             മാഹിയിലെ മദ്യഷാപ്പുകളുടെ പ്രവര്‍ത്തനസമയം ദിവസവും 2 മണിക്കൂര്‍ വീതം കുറക്കുന്നതിന് തീരുമാനമായി. മാഹി റീജണല്‍ അഡ്മിനിസ്‌ട്രേറ്ററും  മദ്യഷാപ്പ് ഉടമകളും തമ്മില്‍ നടത്തിയ ചര്‍ച്ചയിലാണ് തീരുമാനം ഉണ്ടായത്.  രാവിലെയും രാത്രിയുമായി ഓരോ മണിക്കൂര്‍ വീതമാണ് കുറയ്ക്കുന്നത്. നിലവില്‍ രാവിലെ 8 മുതല്‍ രാത്രി 11 വരെയായിരുന്നത് അടുത്തയാഴ്‌ച മുതല്‍ രാവിലെ 9 മുതല്‍ രാത്രി 10 വരെയാകും മദ്യഷാപ്പുകള്‍ പ്രവര്‍ത്തിക്കുക...  

മാഹിപ്പള്ളി പെരുന്നാള്‍ പ്രമാണിച്ചു  12,14,15  തീയതികളില്‍ ബാറുകളും മദ്യഷാപ്പുകളും അടച്ചിടാനും തീരുമാനമായി.

                           കൂടാതെ കേരളത്തില്‍ നിന്നുള്ള മദ്യ വിരുദ്ധ പ്രവര്‍ത്തകര്‍ പുതിയൊരു അപേക്ഷയുമായി മാഹി സര്‍ക്കാരിനെ സമീപിക്കുന്നുണ്ട് . മാഹിയ്ക്ക് പുറത്തുള്ളവര്‍ക്ക് മദ്യം നല്‍കരുത് എന്ന അപേക്ഷയാണ്  പ്രവര്‍ത്തകര്‍ മാഹി സര്‍ക്കാരിന്  സമര്‍പ്പിക്കുക .

കേരളത്തില്‍ മദ്യം നിരോധിച്ചെങ്കിലും  മലയാളിയ്ക്ക് പ്രതീക്ഷയായിരുന്നു  മാഹി . കേന്ദ്ര ഭരണ പ്രദേശമായതു കൊണ്ടു തന്നെ കുറഞ്ഞ വില നിരക്കില്‍ മദ്യം, അതും നിരവധി മദ്യ ഷോപ്പുകള്‍. കോഴിക്കോട് മുതല്‍ അങ്ങോട്ടുള്ള മലയാളികള്‍ക്ക് മാഹി ഒരു ചാകര തന്നെയായിരുന്നു. ആ പ്രതീക്ഷകള്‍ക്കു മുകളിലാണ്, മദ്യ നിരോധന പ്രവര്‍ത്തകര്‍ നിരോധന ആവശ്യവുമായി ഇറങ്ങിയിരിക്കുന്നത്. ഇതു കൂടാതെ അതിര്‍ത്തികളില്‍ മദ്യക്കടത്ത് പരിശോധന കര്‍ശനമാക്കാനും പ്രവര്‍ത്തകര്‍ കേരളാ മുഖ്യമന്ത്രിയ്ക്ക് നിവേദനം നല്‍കും.

തിരിച്ചറിയിൽ കാർഡുമായി വരുന്നവർക്ക് മാത്രം മദ്യം നല്‍കിയാല്‍ മതിയെന്ന ആവശ്യം കൂടി മദ്യനിരോധന പ്രവർത്തകര്‍ സര്‍ക്കാരിനെ അറിയിക്കും. കേരളത്തിൽ നിന്നുള്ളവർക്കു മദ്യം വിൽക്കരുതെന്നാവശ്യപ്പെട്ട് പുതുച്ചേരി സർക്കാരിനും മാഹി അഡ്‌മിനിസ്‌ട്രേറ്റർക്കും നിവേദനം നൽകാൻ തീരുമാനിച്ചതായി കേരള മദ്യനിരോധന സമിതി സംസ്ഥാന സെക്രട്ടറി ടി.പി.ആർ. നാഥ് അറിയിച്ചു.

========================================================================

Please Like Our FACEBOOK Page " ENTE CHOMBALA" : 

 https://www.facebook.com/pages/Ente-Chombala/172355012930898

=======================================================================

ഒഞ്ചിയത്ത് മൂന്നു കുട്ടികള്‍ മുങ്ങി മരിച്ചു

ഒഞ്ചിയത്ത് മൂന്നു കുട്ടികള്‍ മുങ്ങി മരിച്ചു

                                                                                              Dated : 11.09.2014

                      

ഒഞ്ചിയത്ത് അമ്പലക്കുളത്തില്‍ കുളിക്കാനിറങ്ങിയ മൂന്ന് കുട്ടികള്‍ മുങ്ങിമരിച്ചു. തയ്യില്‍ ക്ഷേത്രത്തിന് സമീപത്തെ കുളത്തിലാണ് നാടിനെ നടുക്കിയ സംഭവമുണ്ടായത്. ഇന്ന് ഉച്ചയ്ക്കാണ് മൂന്ന് കുട്ടികള്‍ കുളത്തില്‍ കുളിക്കാന്‍ ഇറങ്ങിയത്. ഫയര്‍ഫോഴ്‌സും നാട്ടുകാരും നടത്തിയ തിരച്ചലിലാണ് കുട്ടികളുടെ മൃതദേഹങ്ങള്‍ കണ്ടെത്താന്‍ സാധിച്ചത്. അജ്മല്‍(2), ഷാലു(8), റിസ്വാന്‍(8) എന്നീ കുട്ടികളാണ് മരിച്ചത്.

      ഷഹലും അജ്മലും ഒഞ്ചിയം എല്‍.പി. സ്‌കൂള്‍ വിദ്യാര്‍ഥികളും റിസ്‌വാന്‍ ഒഞ്ചിയം ഗവണ്‍മെന്റ് യു.പി.സ്‌കൂള്‍ ആറാം ക്‌ളാസ് വിദ്യാര്‍ഥിയുമാണ്.സ്‌കൂള്‍ അവധിദിനമായതിനാല്‍ മൂവരും ശനിയാഴ്ച രാവിലെ 12 മണിയോടെ വീടുകളില്‍നിന്ന് കളിക്കാനിറങ്ങിയതാണ് . ഉച്ച കഴിഞ്ഞിട്ടും തിരിച്ചെത്താത്തതിനെ ത്തുടര്‍ന്നാണ്  വീട്ടുകാര്‍ അന്വേഷണം തുടങ്ങിയത്.വീട്ടില്‍നിന്ന് ഒന്നര കി.മീ. ദൂരെയുള്ള

വെള്ളാറത്താഴ വയലിന്റെ കരയില്‍ ഇവരുടെ വസ്ത്രങ്ങള്‍, ചെരിപ്പുകള്‍ എന്നിവ കണ്ടെത്തിയതോടെയാണ് നാട്ടുകാരും ഫയര്‍ഫോഴ്‌സും വെള്ളക്കെട്ടിലിറങ്ങി തിരച്ചില്‍ നടത്തിയത്. വൈകീട്ട് 4.30ഓടെയാണ് മൃതദേഹം പുറത്തെടുത്തത്. മൃതദേഹങ്ങള്‍ വടകര ജില്ലാ ഗവണ്‍മെന്റ് ആസ്പത്രി മോര്‍ച്ചറിയില്‍ ആണ് സൂക്ഷിച്ചിരിക്കുന്നത്. ഞായറാഴ്ച രാവിലെ 11 മണിക്ക് ഒഞ്ചിയം

ഗവണ്‍മെന്റ് യു.പി. സ്‌കൂളില്‍ മൃതദേഹം പൊതുദര്‍ശനത്തിന് വെക്കും. കുഞ്ഞിപ്പള്ളി കബര്‍സ്ഥാനില്‍ ശവസംസ്‌കാരം നടക്കും. ആദരസൂചകമായി ഒഞ്ചിയം പഞ്ചായത്തില്‍  ഞായറാഴ്ച ഹര്‍ത്താല്‍ ആണ്..

കുഞ്ഞിപ്പള്ളി മേല്‍പ്പാലം ഒരു യാഥാര്‍ത്യത്തിലേക്ക്

കുഞ്ഞിപ്പള്ളി മേല്‍പ്പാലം ഒരു യാഥാര്‍ത്യത്തിലേക്ക്  ....

     അങ്ങനെ ചോമ്പാലിലെ നല്ലവരായ ജനങ്ങളുടെ ഒരു സ്വപ്നം കൂടി പൂവണിയാന്‍ പോകുന്നു. കുഞ്ഞിപ്പള്ളി റെയില്‍വേ ഗേറ്റില്‍ ഒരു മേല്‍പ്പാലം എന്നത് നാട്ടുകാരുടെ നീണ്ട കാലത്തെ ആഗ്രഹമായിരുന്നു. ഈ മോഹം യാഥാര്‍ത്യമാവാന്‍ ഇനി കുറച്ച് മാസങ്ങള്‍‌ കൂടി കാത്തിരുന്നാല്‍ മതി. നിലവില്‍ റെയില്‍വേ ഗേറ്റ് അടക്കുന്നതോടെ വാഹനങ്ങളുടെ ആധിക്യം കാരണം വളരെ വലിയ ഗതാഗതക്കുരുക്കാണ് ഇവിടെ ഉണ്ടാകുന്നത്

കഞ്ഞിപ്പള്ളി ചിറയില്‍പീടിക റെയില്‍വേ മേല്‍പ്പാലത്തിന്‍റെ പണി വര്‍ഷങ്ങള്‍ക്ക് മുന്‍പ് മധ്യഭാഗത്തെ തൂണുകള്‍ വാര്‍ത്തതിന് ശേഷം നിലച്ചുപോയ അവസ്ഥയിലായിരുന്നു. എന്നാല്‍ ഇപ്പോള്‍ ഏതാനും മാസങ്ങളായി മേല്‍പ്പാലത്തിന്‍റെ പണി ദ്രുദഗതിയില്‍ നടന്നുകൊണ്ടിരിക്കുകയാണ്

റോഡ് & ബ്രിഡ്ജ് കോര്‍പ്പറേഷന്‍ ആണ്  ഇത് ഏറ്റെടുത്ത് നടത്തുന്നത്.  അടുത്ത മാര്‍ച്ച് മാസത്തോടു കൂടി കുഞ്ഞിപ്പള്ളി മേല്‍പ്പാലം പൊതുജനങ്ങള്‍ക്ക് വേണ്ടി തുറന്നുകൊടുക്കുമെന്ന് കുറച്ച് മാസങ്ങള്‍ക്ക് മുന്‍പ് പൊതുമരാമത്ത് മന്ത്രി വി.കെ.ഇബ്രാഹിംകുഞ്ഞ് കൈനാട്ടി മേല്‍പ്പാലത്തിന്‍റെ ഉത്ഘാടനവേളയില്‍ പ്രഖ്യാപിച്ചിരിന്നു. ഇക്കഴിഞ്ഞ റെയില്‍വേ ബജറ്റില്‍ കുഞ്ഞിപ്പള്ളി മേല്‍പ്പാലത്തിന് വേണ്ടി ഒരു കോടി രൂപ കൂടി അനുവദിച്ചിട്ടുണ്ട്.

2014 സെപ്തംബര്‍ 26 തീയ്യതി വരെയുള്ള മേല്‍പ്പാലത്തിന്‍റെ വര്‍ക്ക് പ്രോഗ്രസ്സ് 

മേല്‍പ്പാലത്തിന്‍റെ പണി പൂര്‍ത്തിയായ ഭാഗമാണ് പച്ച നിറത്തില്‍ കാണിച്ചിരിക്കുന്നത്. ഇത് 2014 സെപ്തംബര്‍ 26 തീയ്യതി വരെയുള്ള സ്റ്റാറ്റസ് ആണ്....

കുഞ്ഞിപ്പള്ളി മേല്‍പ്പാലം പ്രവൃത്തിയെക്കുറിച്ചുള്ള കൂടുതല്‍ വിവരങ്ങള്‍ 

Sl.No.	Particulars	Details
1	Date of Tender Notification	10/8/2012
2	Date of opening of Tender	30/11/2012
3	Letter of Acceptance	22/01/2014
4	Date of agreement	12/02/2014
5	Notice to proceed issued	13/02/2014
6	Expected date of completion	12/05/2015
7	Contract amount(Rs)	11.73 Crore
8	up todate Utility shifting and consultancy charges	13,49,997.00
9	up todate LA cost (Rs)	1,58,37,388.00
10	Period of completion	15 months
11	LC. No	217
12	Location	Between Badagara and Mahi
13	Engineer in charge of Site from RBDCK	Mr.Antony T M
14	Project Management Consultant and supervision
15	Contractor	M/s Skilled Construction Company Ltd
16	Project Management Consultant	M/s KITCO Ltd
17	Length of structure(m)	573.43
18	Length of Railway Portion (Not within the scope of RBDCK)(m)	77.2
19	Length  towards  NH side	217.5
20	Length  towards Mondhal Bridge side	278.73
21	Slope of ROB towards NH side	1 in 20
22	Slope of ROB towards Mondhal Bridge side	1 in 25
23	Width of carriage way	7.5 m
24	Foot Path	Nil
25	Total width of bridge including crash barriers	8,5 m
26	Present status of work	Pile 25/60, Pile cap 4/18, Pier 2/18, Pile load test 1/1