എന്‍റെ ചോമ്പാല

മാഹി  - "മദ്യനിരോധനത്താല്‍ കുഴങ്ങുന്ന മലയാളിക്ക് ചോമ്പാലക്കാരുടെ  ഉത്തരം"

                               
            പാലം കുലുങ്ങിയാലും കേളന്‍ കുലുങ്ങില്ലെന്നു പറഞ്ഞതുപോലെയാണ് മാഹിയുടെ കാര്യം. കേരളത്തില്‍ മദ്യനിരോധനം വന്നാലും കേന്ദ്ര ഭരണപ്രദേശമായ ഇവിടെ അതൊന്നും ബാധകമാവില്ല. ഫലമോ കുടിയന്മാര്‍ വണ്ടിവിളിച്ച് മാഹിയിലെത്തും.

          സംസ്ഥാനത്ത് മദ്യനിരോധനം നടപ്പാക്കുന്നതോടെ എന്തുചെയ്യണമെന്നറിയാതെ കുഴങ്ങുന്ന മലയാളിക്കുള്ള ഉത്തരമാണ് മാഹി. കണ്ണൂര്‍ ജില്ലയ്ക്കുള്ളില്‍ സ്ഥിതി ചെയ്യുന്ന മാഹിയില്‍ കച്ചവടം പൊടിപൊടിക്കുമെന്നാണ് വ്യാപാരികളുടെ കണക്കുകൂട്ടല്‍.

       മധ്യകേരളം മുതല്‍ വടക്കോട്ടുള്ള ജില്ലകളില്‍ നിന്നുള്ളവര്‍ ട്രെയിനിലെത്തി മാഹിയില്‍ നിന്ന് മദ്യം വാങ്ങി മടങ്ങുന്നുണ്ട്. നിരോധനം കൂടിയാകുന്നതോടെ ഇക്കൂട്ടരുടെ എണ്ണം ഗണ്യമായി ഉയരുമെന്നും കച്ചവടം കുത്തനെ ഉയരുമെന്നുമാണ് വ്യാപാരികളുടെ കണക്കുകൂട്ടല്‍. കോഴിക്കോട്, കണ്ണൂര്‍ ജില്ലകളിലുള്ള കുടിയന്മാര്‍ക്കാകും മാഹി ഏറെ ആശ്വാസമാകുക.62 മദ്യവില്‍പ്പന ശാലകളാണ് ഇപ്പോള്‍ മാഹിയിലുള്ളത്. നിരോധനം വരുന്നതോടെ ഇത് പോരാതെ വരുമോയെന്ന ചോദ്യം മാത്രമാണ് അവശേഷിക്കുന്നത്.